Bakı Marafon Klubunun üzvü Rəhman Nəcəfov iki qaçışçı ilə birlikdə Şamaxı şəhərindən Bakıya qədər məsafəni qaçaraq qət edib. Marşrutun uzunluğu 105 km olub və əsasən təpəlik ərazidən keçib. Qaçışçılar bu marafonu ölkəmizin Vətən müharibəsində qazandığı Qələbənin 5-ci ildönümünə həsr ediblər.
Dənizkənarı bulvar ərazisində ölkəmizin Vətən müharibəsində qazandığı Böyük Qələbəyə həsr olunmuş 10 km məsafəli Qələbə Qaçışı adlı 5-ci illik qaçış yarışı keçirilib. Bu tədbirdə Bakı Marafon Klubunun 20-dən çox üzvü iştirak edib.
2025-ci il noyabrın 2-də İstanbulda ənənəvi marafon yarışı keçirilib. Bakı Marafon Klubundan 3 idmançı yarışda iştirak edib və hamısı uğurla finişə çatıb.